ვახტანგ ანდღულაძე

ვახტანგ ანდღულაძე დაიბადა 1960 წელს. 

 

1998 წლიდან, იგი საქართველოს დიპლომატიურ სამსახურშია. მინიჭებული აქვს უფროსი მრჩევლის დიპლომატიური რანგი.

 

2020 წლის ივლისიდან, ვახტანგ ანდღულაძემ დაიკავა ქ. ბარიში, საქართველოს გენერალურ საკონსულოში  გენერალური კონსულის პოსტი.

 

2017-2020  წლებში იგი  გახლდათ ბულგარეთში, საქართველოს საელჩოს მრჩეველი და საქმეთა დროებითი რწმუნებული.

 

2013-2017 წლებში, იტალიის რესპუბლიკაში, მალტას, სან მარინოსა და ქ. რომში განლაგებულ გაეროს საერთაშორისო ორგანიზაციებში (FAO, IFAD, WFP), საქართველოს მუდმივ წარმომადგენლობაში, ვახტანგ ანდღულაძე ხელმძღვანელობდა საკონსულო სამსახურს.

 

2009 - 2013 წლებში ქ, რომში საქართველოს დიპლომატიურ მისიაში,  მას ეკავა კონსულის თანამდებობა.

 

ასევე ის მსახურობდა საქართველოს საგარეო საქმეთა სამინისტროში, საკონსულო დეპარტამენტის ანალიტიკურ განყოფილებაში, მრჩევლად და საგანგებო დავალებათა ელჩად. 

 

დიპლომატიურ სამსახურში მუშაობის დაწყებამდე იგი მუშაობდა საზღვარგარეთის ქვეყნებთან კულტურული ურთიერთობების საზოგადოებაში, სკანდინავიის ქვეყნებისა და ნიდერლანდების რეფერენტად და ასევე, საქართველოსა და აშშ ურთიერთობების ხელშეწყობის საზოგადოებაში კონსულტანტად.

 

მას მიღებული აქვს თბილისის სახელმწიფო უნივერსიტეტის ახლო აღმოსავლეთის ქვეყნების ისტორიის დიპლომი, განვლილი აქვს სამეცნიერო კვლევითი პერიოდი საქართველოს მეცნიერებათა აკადემიის აღმოსავლეთმცოდნეობის ინსტიტუტში.

 

იგი თავისუფლად ფლობს იტალიურ, ინგლისურ და რუსულ ენებს.

 

ვახტანგ ანდღულაძე დაოჯახებულია და  ჰყავს ორი შვილი.